فضائل قرآن مجید ۔ جمال و حسن قرآں نور جانِ ہر مسلماں ہےفضائل قرآن مجید
| قمر ہے چاند اوروں کا ہمارا چاند قرآں ہے | جمال و حسن قرآں نور جانِ ہر مسلماں ہے |
| بھلا کیونکر نہ ہو یکتا کلامِ پاک رحماں ہے | نظیر اس کی نہیں جمتی نظر میں فکر کر دیکھا |
| نہ وہ خوبی چمن میں ہے نہ اس سا کوئی بستاں ہے | بہار جاوداں پیدا ہے اس کی ہر عبارت میں |
| اگر لولوئے عماں ہے وگر لعل بدخشاں ہے | کلام پاک یزداں کا کوئی ثانی نہیں ہرگز |
| وہاں قدرت یہاں درماندگی فرق نمایاں ہے | خدا کے قول سے قول بشر کیونکر برابر ہو |
| سخن میں اس کے ہمتائی کہاں مقدور انساں ہے | ملائک جس کی حضرت میں کریں اقرار لاعلمی |
| تو پھر کیونکر بنانا نور حق کا اُس پہ آساں ہے | بنا سکتا نہیں اک پاؤں کیڑے کا بشر ہرگز |
| زباں کو تھام لو اب بھی اگر کچھ بوئے ایماں ہے | ارے لوگو کرو کچھ پاس شان کبریائی کا |
| خدا سے کچھ ڈرو یا رویہ کیسا کذب و بہتاں ہے | خدا سے غیر کو ہمتا بنانا سخت کفراں ہے |
| توپھر کیوں اسقدر دل میں تمہارے شرک پنہاں ہے | اگر اقرار ہے تم کو خدا کی ذات واحد کا |
| خطا کرتے ہو باز آؤ اگر کچھ خوف یزداں ہے | یہ کیسے پڑ گئے دل پر تمہارے جہل کے پردے |
| کوئی جوپاک دل ہووے دل وجاں اُس پہ قرباں ہے | ہمیں کچھ کیں نہیں بھائیو! نصیحت ہے غریبانہ |
براہین احمدیہ حصہ سوم صفحہ 182مطبوعہ 1882ء
Discover more from احمدیت حقیقی اسلام
Subscribe to get the latest posts sent to your email.
