ام الکتاب ۔ کلام مسیح موعودؑاے دوستو جو پڑھتے ہو اُمّ الکتاب کو ۔ کلام مسیح موعودؑ
اُمُّ الکتاب
| اب دیکھو میری آنکھوں سے اس آفتاب کو | اے دوستو جو پڑھتے ہو اُمّ الکتاب کو |
| کرتی ہے یہ تمام حقیقت کو آشکار | سوچو دعاء فاتحہ کو پڑھ کے بار بار |
| اس کے حبیب نے بھی پڑھائی دعا یہی | دیکھو خدا نے تم کو بتائی دعا یہی |
| جاتے ہو اس کی رہ سے در بے نیاز میں | پڑھتے ہو پنج وقت اسی کو نماز میں |
| اس پاک دل پہ جس کی وہ صورت پیاری ہے | اس کی قسم کہ جس نے یہ سورت اُتاری ہے |
| یہ میرے صدق ِدعویٰ پہ مہر الٰہ ہے | یہ میرے رب سے میرے لئے اک گواہ ہے |
| میرے لئے یہ شاہد رب جلیل ہے | میرے مسیح ہونے پہ یہ اِک دلیل ہے |
| توبہ کرو کہ جینے کا ہے اعتبار کیا | پھر میرے بعد اوروں کی ہے انتظار کیا |
Discover more from احمدیت حقیقی اسلام
Subscribe to get the latest posts sent to your email.
