پنجابی صوفیانہ کلام ۔ سیف الملوک ۔شاہ مقیم حجروی دی مدح ۔ میاں محمد بخش
شاہ مقیم حجروی دی مدح
| سوہنا سخی جِدھے گھر جایا ،علی امیر شہزادہ | حضرت مِیراں شاہ مُقیما، تیرا شان زِیادہ |
| بالا پِیر لکھّاں دا داتا ،دھن مائی جِس جایا | نُوری ملک کریندے چُوری، حُوراں منگل گایا |
| حسنی سیّد پیدا ہویا ،صُورت یُوسف ثانی | عالم تے رُشنائی ہوئی ،چڑھیا چن نُورانی |
| لعل بہاول شیر قلندر، دم دم نال پُکارن | حُجرے اندر گھُریاں بھیراں، دِینی ڈنکے مارن |
| گودِی وِچ کِھڈاوے جِس نُوں، نبی کریم مُحمّد صلى الله عليه وسلم | طوطے مینا خُمرے بولن ،دھن مُقیم مُحمّد |
| کِس نُوں طاقت آکھ سُناوے ،اِسدے قُرب نہایت | جِس نُوں ویکھ سوا لکھ ہویا، عارف اہل وِلایت |
| دستگیر جِنہاں دا دادا ،کؤن تِنہاں دا ثانی | آل نبیؐ اولاد علیؑ دِی، واہ سیّد گیلانی |
| پِیراں دے سر پَیر مُحمّد، واہ وا پیر ہمارے | کُتّےجو درگاہ اوہدی دے ،شیراں اُپّر بھارے |
| مینُوں بھی کُجھ شؤق الٰہی، بخشو سُن فریاداں | پِیراں دے درباروں پاوے ،دائم خلق مُراداں |
| پاک جناب اِنہاں دی اندر، مینُوں کرو حضوری | دمڑی والا لعل تُساڈا ،جِس دِی ہے منظُوری |
Discover more from احمدیت حقیقی اسلام
Subscribe to get the latest posts sent to your email.
