وفات مسیح ناصریؑ ۔ کیوں نہیں لوگو تمہیں حق کا خیال ۔ کلام مسیح موعودؑ
وفات مسیح ناصریؑ
| دل میں اُٹھتا ہے مرے سَو سَو اُبال | کیوں نہیں لوگو تمہیں حق کا خیال؟ |
| داخلِ جنت ہوا وہ محترم | ابن مریم مر گیا حق کی قسم |
| اس کے مرجانے کی دیتا ہے خبر | مارتا ہے اُس کو فرقاں سر بسر |
| ہوگیا ثابت یہ تیس آیات سے | وہ نہیں باہر رہا اموات سے |
| یہ تو فرقاں نے بھی بتلا یا نہیں | کو ئی مُردوں سے کبھی آیا نہیں |
| غور کن در أَنَّهُمْ لَا يَرْجِعُونَ | عہد شد از کردگار بے چگوں |
| موت سے بچتا کوئی دیکھا بھلا | اے عزیزو!! سوچ کر دیکھو ذرا |
| چل بسے سب انبیاء و راستاں | یہ تو رہنے کا نہیں پیارو مکاں |
| یونہی باتیں ہیں بنائیں واہیات | ہاں نہیں پاتا کوئی اس سے نجات |
| ہے یہ دین یا سیرت کفّار ہے | کیوں تمہیں انکار پر اصرار ہے |
| سوچ کر دیکھو اگر کچھ ہوش ہے | برخلاف نصّ یہ کیاجوش ہے |
| سنت اللہ سے وہ کیوں باہر رہا | کیوں بنایا ابن مریم کو خدا |
| غیب دان و خالق حیّ و قدیر | کیوں بنایا اس کو باشانِ کبیر |
| اب تلک آئی نہیں اس پر فنا | مرگئے سب پر وہ مرنے سے بچا |
| اس خدادانی پہ تیرے مرحبا | ہے وہی اکثر پرندوں کا خدا |
| سچ کہو کس دیو کی تقلید ہے؟ | مولوی صاحب یہی توحید ہے؟ |
| جس پہ برسوں سے تمہیں اک ناز تھا | کیایہی توحیدِ حق کا راز تھا |
| الاماں ایسے گماں سے الاماں! | کیا بشر میں ہے خدائی کا نشان؟ |
| فہم پر اور عقل پر اور ہوش پر | ہے تعجب آپ کے اس جوش پر |
| پڑ گئے کیسے یہ آنکھوں پرحجاب | کیوں نظر آتا نہیں راہِ صواب؟ |
| کچھ تو آخر چاہیئے خوفِ خدا | کیایہی تعلیمِ فرقاں ہے بھلا |
| ہے یہ کیا ایمانداروں کا نشاں؟ | مومنوں پر کفر کا کرنا گماں |
| دل سے ہیں خدّام ختم المرسلیں | ہم تو رکھتے ہیں مسلمانوں کا دیں |
| خاکِ راہِ احمدؐ مختار ہیں | شرک اور بدعت سے ہم بیزارہیں |
| جان و دل اس راہ پر قربا ن ہے | سارے حکموں پر ہمیں ایمان ہے |
| ہے یہی خواہش کہ ہو وہ بھی فدا | دے چکے دل اب تنِ خاکی رہا |
| کیوں نہیں لوگو تمہیں خوف عقاب | تم ہمیں دیتے ہو کافر کا خطاب |
| رحم کن برخلق اے جاں آفریں | سخت شورے اوفتاد اندر زمیں |
| تجھ کو سب قدرت ہے ،اے ربّ الورا | کچھ نمونہ اپنی قدرت کا دکھا |
Discover more from احمدیت حقیقی اسلام
Subscribe to get the latest posts sent to your email.
